كل ده و مش عاجبهم .. فين انصار تحرير الرجل.
FPRIVATE "TYPE=PICT;ALT="
صباح الخير .." اصبحنا واصبح الملك لله " يوم جديد ... لما نشوف فى ايه فى الجرايد .... يا ساتر يا رب على الصبح .. ايه الغم ده ... افتح التليفزيون يا عم ؟ . برنامج معاد .. ماشى .... احسن .. ستات كمل محترمات مثقفات قاعدين بربطة المعلم ... بيتناقشوا على التليفزيون ..عادى .. بس الغريب انهم محموقين.. متنرفزين.. متضايقين ليه قلت اشوف !!!!! وياريتنى ما شوفت ..قال ايه .!!.المرأة مظلومة المرأة مضهدة اجتماعيا ... مضهدة . . ازاى .. يعنى مافيش مساواة بينها وبن الراجل .. ولا بتمارس حقوقها السياسية ولا بتحصل على كل المناصب اللى بيحصل عليها الراجل ...بصراحة سنحت .. وقعدت افكر .. هى فعلا الست مظلومة للدرجة دى .؟!. ظهر فى ذهنى الردود اللى اتقالت قبل كده من تكريم الاسلام للمرأة وتجليلها فى وقت كل الاديان كنت لا تعطيها هذه الحقوق واحترام الشريعة الاسلامية للمرأة وغيره .... ولكن انا قلت بلاش اخدها من وجهة نظرى انا .. مرة وانا على النت لاقيت مقارنة بين البنت والولد من الصغر حتى الكبر .. يعنى لحد ما تبقى مرأة وهو رجل وياخد منها كل المناصب .. زى ما بيقولوا. . بعد تفكير عميق وتخيل ومداولة.. امرنا نحن.... قصدى شوفت ان
البنت احسن من الولد بكتير فى المعاملة فى مجتمعاتنا حتى مع اختلاف الدين ..!!.ء
يعنى البنت من وهى صغيرة بيكون دلعها فى البيت ... ياختي قميله( سنتين)ء
يا عسولــه (5 سنين)ء
يا عروسـه (12سنين
يا قمــــــر (18سنه
يا هانــــم (40سنه)ء
يا ست الكل (50سنه)
يا أم العيال (60سنه)
فى حين ان الولد ليه معاملة مختلفة خالص مع نفس الاسرة ونفس المحتمع .. انت ياد (10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز (60سنه)
وغير كده شوف معاملة البنت فى كل الاوقات وتميزها عن الراجل ...يعنى الست تتكلم براحتها في التليفون وابوها او جوزها اللي هيدفع الفاتوره
*كمان الست مش ملزمه تجهز نفسها ابوها او خطيبها اللي هيدفعوا دم قلبهم
*ولو واحده عملت مخالفه مرور تعيط شويه للظابط وهو يعديها لو راجل هياخد على دماغه
* طيب لو واحده مدتش لقرايبها عيديه مفيش حد هيتكلم ولا يقول ياه دا راجل تبت وبخيل
..-لو واحده متاخره علي المحاضره ممكن الدكاتره يدخلوها لو ولد يقولوله روح يا بابا كمل بره في الشمس
لو حصل زعل بين البنت وباباها مش هيطردها بره البيت بس هي يدوب تدخل الاوضه وتعيط شويه وبابا يروح يصالحها ..أما الولد فيادوب يلحق مكان ينام فيه جنب البواب..
كده يعنى مش معقول تكون الست مظلومة.... يالهوى كل ده مش عاجبهم.. قلت بينى وبين نفسى امتى بقى الرجالة تقعد قعدة شلت فى برنامج وتطالب بحقوفها " بجد "زى الستات مش علشان الشهرة ولا شو اعلامى ولا علشان يكسبوا مكان مميز عند الرجالة اللى بيشوفوهم ويقولو ان دول من انصار تحرير ....الراجل..... وانا اسف على هذا التخيل المنافى للواقع والكلام الركيك ..هاعمل ايه الواحد فاض بيه يا جدع ...ّّء منهم لله.