لية يا خلى

لية يا خلى
عيونك سبحت فى بحر تانى
هو انا ميتى خلصت ولا اية تانى
ولا العيون عشقت لية شط تانى
ولا القلوب راح صفاها وتعكرت تانى
ولا عيونها كحيلة
ما أنا كحلى ربانى
وخدودى لون الورد الاحمر
ولا شفت لون تانى
وشفايفى فراولاية
مش محقونة بكيماوى
ولا عودى خلاص ملا
نخسسة تانى
فى ايدينا يا ابن الحلال
نلون وشوشنا ونعدل عيوبنا
لكن عيوب الروح ما تنصلح تانى
والاصل هو اللى باقى
ولو تنسى ما تلاقى
ومسيرك حترجع يوم
للى صفاة باقى وقلبة زى الحليب
وشربت منة سنين
ولسة الحنين باقى
ارجع ونول الرضا
ولسة فى العمر باقى