احلا نكت عن الدمايطة والمنايفة

اتنين دمايطة راحوا راس البر يصيفوا..اتراهنو ايغطسوا ، و اللى يطلع من المية قبل التانى يتحمل مصاريف الغدا..الاتنين غطسوا مطلعوش لغاية النهاردة

***********************************************

دمياطى بعت ابنه يستلف شاكوش من الجيران ..غاب ساعتين و رجع يقول لابوه : ما لفيتش يابا..قال خلاص الأمر لله يا ابنى ..هات الشاكوش بتاعنا

*********************************************

دمياطى فى لحظاته الأخيرة على فراش الموت.. سأل :

فين محمد ؟ رد محمد باكيا : أنا هنا يا بابا

فين محمود؟ رد محمود با كيا : أنا هنا يا بابا

فين حسين؟ رد حسين باكيا : أنا هنا يا بابا

فقال الأب وعلامات الضيق ظاهرة على وجهه: انتو التلاتة هنا وسايبين نور الصالة والع؟

**********************************************

واحد دمياطى صحى من النوم مبسوط ، سألته مراته : إيه اللى باسطك ..خير اللهم اجعله خير. قال لها : أصل انا حلمت انى اشتريت للأولاد لحمة وفاكهة ..قالت له : ليه كدة ياراجل الإسراف ده؟ قال لها: اسكتى يا شيخة خللى العيال تاكل و تتبسط

*************************************************


اتنين ستات دمايطة بيدردشوا ... واحدة قالت للتانية : ياختى بعت جوزى يشترى عيش بلدى من الفرن ..وقف فى الطابور ..جات له ضربة شمس .. تعب .. مات .قالت لها : طب و عملتى إيه؟ قالت : و لا حاجة ..اشتريت عيش فينو

***********************************************

دمياطية بعتت ابنها يشترى تلات أرغفة ..رغيف ليها و رغيف لجوزها و رغيف لابنها..الولد جاب العيش .. امه كانت واقفة على الباب قلقانة جدا و لما شافته قالت له : بسرعة هات الرغيفين دول وروح رجع الرغيف التالت للفرن قبل ما يقفل .. أبوك مات

*************************************************

واحد منوفى دخل الجنة ، باع بيته و راح سكن مع ابوه فى النار

*******************************************

كان فيه منوفى ماشى فى جنازة مع ابنه ، سمعوا زوجة الميت تنوح وتقول : آه يا سبعى .. هيودوك بيت لا فيه مية ولا أكل و لافرش ! قال الولد لأبوه : الحق يابا ..شكلهم رايحين بيتنا

*************************************************

تلاتة منايفة قرروا انهم يتوبوا إلى الله ، و يتبرعوا بجزء من فلوسهم للفقراء و المحتاجين

أول واحد قال : أن هرسم دايرة كبيرة وأرمى الفلوس فى السماء ..و اللى يقع جواها لىّ ، واللى يقع براها للفقرا

تانى واحد قال : أنا هرسم خط على الأرض و هرمى الفلوس فى السما ، واللى يقع على يمين الخط لىّ و اللى يقع على شماله للفقرا

تالت واحد قال : بلا دايرة بلا خط بلا غش و خداع ..أنا هرمى الفلوس فى السما ، و اللى يقع على الأرض لىّ ، واللى يفضل فى السما للفقرا

**********************************************